.
Yes, I Know What I am Doing.
Yes, I Know What I am Writing..
I am Sorry, I can't be a "YES" Man...

Tuesday 19 January 2010

ബസു പറഞ്ഞതും, മനോജ്‌ പറയുന്നതും...

കമ്മ്യൂണിസ്റ്റുകളിലെ മനുഷ്യ സ്നേഹി വിട വാങ്ങി...
ആദ്യത്തെ പോളിറ്റ് ബ്യൂറോയിലെ അവസാനത്തെ അംഗം എന്നതില്‍ ഉപരി,
അധികാരത്തിന്റെ മത്ത് തലയ്ക്കു പിടിക്കാത്ത,
പാവപ്പെട്ടവന്റെ കണ്ണീരൊപ്പാന്‍ കൂടെ നിന്ന,
സ്വന്തം തെറ്റുകള്‍ വിമര്‍ശിക്കപ്പെടുമ്പോള്‍ അതിനെ അതിന്റേതായ രീതിയില്‍ കണ്ട,
ആദര്‍ശത്തെ ആദര്‍ശം കൊണ്ട് നേരിട്ട
അവസാനത്തെ (?) കമ്മ്യൂണിസ്റ്റുകാരനും വിടവാങ്ങി എന്ന് പറയലാണോ ശരി..??!!
പകരം വെക്കാനുള്ളവര്‍ ...??
അധികാരത്തിനു വേണ്ടി കൂടെയുള്ളവരെവരെയും താന്‍ നിലകൊള്ളുന്ന ആശയത്തെയും തൃ
വല്‍ക്കരിക്കുന്ന,
കമ്മ്യൂണിസ്റ്റു ഇന്ത്യയുടെ ചരിത്രത്തില്‍ തന്നെ അഴിമതിക്ക് പ്രതിക്കൂട്ടില്‍ നില്‍ക്കപ്പെട്ട ,
സ്വജനപക്ഷപാതത്തിനും സ്വന്തം കാര്യത്തിനും വേണ്ടി നിലകൊള്ളുന്ന,
അധികാരം നിലനിര്‍ത്താന്‍ വേണ്ടി ഏത് അഴിമതിയും വെള്ള പൂശുന്ന,ഏതൊരാളെയും കൂടെകൂട്ടുന്ന
നമ്മുടെ ഇന്നത്തെ കമ്മ്യൂണിസ്റ്റു നേതാക്കളോ...?
നിഷ്കളങ്കരായ ആയിരക്കണക്കിന് സാധാരണക്കാര്‍ സഖാവ് ബസുവിന് അന്തിമോപചാരംഅര്‍പ്പിക്കുമ്പോള്‍ ,
കൂടെ അന്തിമോപചാരം അര്‍പ്പിച്ച നേതാക്കള്‍ മനസ്സിലാക്കാന്‍ ,
അദ്ധേഹത്തിന്റെ ജീവിതത്തില്‍ ഒരുപാട് കാര്യങ്ങളുണ്ട്...
ഇന്നത്തെ നേതാക്കള്‍ (?) ബൗദ്ധിക ശരീരത്തില്‍ പുഷ്പങ്ങള്‍ അര്‍പ്പിച്ചു സല്യൂട്ട് നല്‍കുമ്പോള്‍
അദ്ധേഹത്തിന്റെ ജീവിതത്തില്‍ നിന്നും പഠിക്കേണ്ട ഒരുപാട് കാര്യങ്ങളുണ്ട്...
എന്നും പാവപ്പെട്ടവന്റെ കൂടെയായിരുന്നു ആ സഖാവ്. ലോകത്ത് തന്നെ ഭൂ പരിഷ്കരണം അതിന്റെ ഏറ്റവും ഗാംഭീര്യത്തോട്‌ കൂടി നടപ്പിലാക്കിയ അദ്ദേഹം, സ്വന്തം പാര്‍ട്ടിയിലെ തെറ്റുകളെ , പാര്‍ട്ടിയുടെ അച്ചടക്കത്തിന്റെ പരിധിയില്‍ (?)നിന്ന് കൊണ്ട് വിമര്‍ശിച്ചിരുന്നു.
തനിക്കു മുന്‍പിലേക്ക് വെച്ച് നീട്ടപ്പെട്ട ഇന്ത്യയുടെ പ്രധാനമന്ത്രി സ്ഥാനം, പാര്‍ട്ടി വേണ്ട എന്ന് പറഞ്ഞതിന്റെ ഒറ്റ കാരണം കൊണ്ട് തള്ളി കളഞ്ഞ അദ്ദേഹം, അതെ സമയം തന്നെ പാര്‍ട്ടിയുടെ തെറ്റായ ആ തീരുമാനത്തെ "ചരിത്രപരമായ മണ്ടത്തരം" എന്ന് വിശേഷിപ്പിക്കാന്‍ മടിച്ചില്ല..
പ്രധാനമന്ത്രി സ്ഥാനം നിഷേധിക്കപ്പെട്ട, അധികാരം മുന്നില്‍ നിന്നിട്ടും അത് രുചിക്കാനുള്ള ഭാഗ്യം (?) ഇല്ലാതായവന്റെ അമര്‍ഷം അല്ല, ആ വാക്കിലൂടെ നമുക്ക് ദര്‍ശിക്കാനാവുക, മറിച്ച്‌, ഏകദേശം ഏഴു പതിറ്റാണ്ടോളം പൊതു രംഗത്ത് നിലയുറപ്പിച്ച, രണ്ടു പതിറ്റാണ്ടില്‍ കൂടുതല്‍ ഒരു സംസ്ഥാനത്തിന്റെ ഭരണ സാരഥ്യം വഹിച്ച, വ്യക്തമായതും , അതെ സമയം, സ്വന്തം പ്രസ്ഥാനത്തില്‍ വരുത്തേണ്ടമാറ്റങ്ങളെ കുറിച്ചുമാണ് ആ വാക്കുകളില്‍ പ്രകടമായത്..
പ്രധാനമന്ത്രി സ്ഥാനവുമായി ബന്ടപ്പെട്ടു നടന്ന പോളിറ്റ് ബ്യൂറോയില്‍ ,ഇന്ത്യയുടെ അധികാരം കയ്യാളുന്നതുമായി ബന്ധപ്പെട്ട പാര്‍ട്ടിയുടെ രാഷ്ട്രീയ നിലപാടില്‍ മാറ്റം വരുത്തേണ്ട എന്ന് ഭൂരിഭാഗം പേരും ആവശ്യപ്പെട്ടപ്പോള്‍, ഇത്തരം പഴഞ്ചന്‍ ആശയങ്ങള്‍ ചവറ്റു കൊട്ടയില്‍ എറിയാന്‍ സമയം ആയി എന്ന് വാദിക്കാന്‍ വളരെ കുറച്ചു പേരെ ഉണ്ടായിരുന്നുള്ളൂ..
ആ വാദം സത്യമായിരുന്നു എന്ന് കാലം തെളിയിച്ചു.
കാലം ആവശ്യപ്പെടുമ്പോള്‍, വരുത്തേണ്ട മാറ്റങ്ങള്‍ വരുത്തിയാലെ, സങ്കടനക്ക് നില നില്പുള്ളൂ എന്ന സത്യം , ഇന്നും ഇവരില്‍ ബഹു ഭൂരിഭാഗവും മനസ്സിലാക്കിയിട്ടില്ല, മറ്റൊരര്‍ത്ഥത്തില്‍ പറയുകയാണെങ്കില്‍ ഇടതു പക്ഷം, പ്രത്യേകിച്ചും സി പി എം ഇന്നും ചരിത്ര പരമായമണ്ടത്തരങ്ങള്‍ ആവര്‍ത്തിക്കുന്നു എന്ന് സാരം...
അതിനു ഏറ്റവും വലിയ രണ്ടു ഉദാഹരണങ്ങള്‍ ആണ്, ലാവലിന്‍ വിഷയത്തില്‍ പോളിറ്റ് ബ്യൂറോ എടുത്ത നിലപാടും, തെറ്റ് തിരുത്തല്‍ രേഖയിലെ മത വിശ്വാസവുമായുള്ള നിലപാടും...
എന്തൊക്കെ കുറ്റങ്ങള്‍ ഇടതു പക്ഷത്തിനു ഉണ്ട് എന്ന് വാദിച്ചാലും, അവരുടെ ഏറ്റവും വലിയ ഗുണം എന്നത്, അഴിമതി രഹിതരാണ്‌ എന്നതായിരുന്നു.എന്നാല്‍ ലാവലിന്‍ വിഷയത്തില്‍, ആദ്യമായി പാര്‍ട്ടിയുടെ സെക്രടറി ആരോപണ വിധേയന്‍ ആയപ്പോള്‍ അദ്ധേഹത്തെ മാറ്റി നിര്‍ത്തി അന്വേഷണത്തെ നിയമ പരമായി നേരിട്ടിരുന്നെങ്കില്‍, സങ്കടനക്കുള്ളിലും, പൊതു സമൂഹത്തിനിടയിലും, പാര്‍ടിയുടെ ആ ഗുണം നില നിര്‍ത്താം ആയിരുന്നു. എന്നാല്‍ പാര്‍ടിയുടെ മറ്റൊരു മണ്ടതരത്തിലൂടെ , ജനങ്ങളിലെ ആ ഒരു വിശ്വാസം നഷ്ട്ടമാക്കി എന്ന് പറയുന്നതാണ് ശരി..
രണ്ടാമതെത്, മത വിശ്വസതോടുള്ള നിലപാട്, ഇതില്‍ മുന്‍ എം പി മനോജ്‌ ഉന്നയിച്ച ആരോപണങ്ങള്‍ സത്യമാണ്. പക്ഷെ മനോജിന്റെ ഇപ്പോഴത്തെ നിലപാടില്‍ കാപട്യത്തിന്റെ മണമുണ്ട് , യാതൊരു സംശയവുമില്ല..
കാരണം, കമ്മ്യൂണിസത്തിന്റെ ലക്‌ഷ്യം എന്താണെന്നും, മാര്‍ക്സും ലെനിനുമൊക്കെ വിഭാവനം ചെയ്യാന്‍ ശ്രമിച്ചത്‌ എന്താണെന്നും, ഏവര്‍ക്കും അറിയാം. അഞ്ചു വര്‍ഷത്തോളം എംപി ആയിരുന്നിട്ടും, അതും കഴിഞ്ഞു പിന്നെയും അതെ സങ്കടനക്ക് വേണ്ടി മത്സരിച്ചപ്പോഴും ഒന്നും ഇത് മനോജിനു മനസ്സിലായില്ല എന്ന് പറയുന്നത്, പൊതു ജനംകഴുതകളനെന്ന , രാഷ്ട്രീയക്കാരുടെ ഭാവനയില്‍ ഉള്ള സങ്കല്‍പ്പത്തിന്റെ ഭാഗമാണ്..
മനോജിന്റെ ലക്‌ഷ്യം , മറ്റെന്തോ ആണ്..അതെന്തുമായി കൊള്ളട്ടെ, എന്നാല്‍, മനോജിനു മറുപടി എന്നാ നിലയില്‍ , നമ്മുടെ കാരാട്ട് എഴുതിയ ലേഖനത്തില്‍, ഇടതു പക്ഷത്തിന്റെ ഇരട്ടത്താപ്പു വ്യക്തമാണ്..
അദ്ദേഹം പറയുന്നു, സാധാരണക്കാരായ പാര്ടി പ്രവര്‍ത്തകര്‍ക്ക് മത ആചാരങ്ങളില്‍ പങ്കെടുക്കാം, ആര്‍ഭാട വിവാഹം നടത്താം തുടങ്ങിയവ..
എന്നാല്‍ പാര്‍ടിയുടെ സ്ഥാനതിരിക്കുന്നവര്‍ക്ക് ഇത് പാടില്ല പോലും..
ഇവിടെയാണ്‌ രസം, ഒരു ആശയം, ഒരു സങ്കടനയില്‍ രണ്ടു പേര്‍ക്ക് രണ്ടു രീതിയില്‍...!!!
എല്ലാവിധ സമത്വത്തിനും വേണ്ടി ശ്രമിക്കുന്ന ഇക്കൂട്ടര്‍, ആദ്യം ചെയ്യേണ്ടത് സ്വന്തം സങ്കടനയുടെ ആശയത്തില്‍ എങ്കിലും സമത്വം കണ്ടെത്തുക എന്നതാണ്..
മാത്രമല്ല, മതത്തോടുള്ള ഇടതു പക്ഷത്തിന്റെ നിലപാടില്‍ കാതലായ മാറ്റം വരുത്തിയില്ലെങ്കില്‍, ഇത് പോലെയുള്ള outdated ആയ ആശയങ്ങളെ മാറ്റാന്‍ ശ്രമിക്കുന്നില്ലെങ്കില്‍, മറ്റൊരു ചരിത്ര പരമായമണ്ടത്തരത്തിന് കൂടിയാവും നമ്മള്‍ സാക്ഷ്യം വഹിക്കേണ്ടി വരിക...

Tuesday 12 January 2010

യുവ സഖാക്കളെ... മുന്നോട്ടു...മുന്നോട്ടു...

കുറേ കാലമായി നമ്മുടെ യുവ സഖാക്കളുടെ മെയ് അനങ്ങിയിട്ടു...
സാധാരണ രീതിയില്‍ ആണെങ്കില്‍ നാട്ടുകാര്‍ക്കും സമൂഹത്തിനും ഉപകാരമില്ലാത്ത പല പ്രവര്‍ത്തനങ്ങള്‍ക്കും ആണ് അവര്‍ മുന്‍പില്‍ ഉണ്ടായിരുന്നത്...
കമ്പ്യൂ ടറിന്റെ വിഷയം, വ്യവസായങ്ങള്‍, കൊയ്ത്തു യന്ത്രം തുടങ്ങി നിരവധി ഉദാഹരണങ്ങള്‍...
ഇനി മനുഷ്യര്‍ക്ക്‌ ഉപകാരമുല്ലതാനെങ്കിലോ, പൊതുമുതലുകള്‍ നശിപ്പിച്ചു അതിന്റെ മാന്യത കളഞ്ഞു കുളിച്ചു കളയും...
പിന്നെ കഴിഞ്ഞ മൂന്നര വരഷമായി അവര്‍ വനവാസത്തിലായിരുന്നു (ക്ഷമിക്കണം, ഭരണ പക്ഷത്തായിരുന്നു)...
കഴിഞ്ഞ ആഴ്ചയാണ് അവര്‍ ഒന്നുണര്‍ന്നത്‌..
ഉള്ളത് പറയാമല്ലോ, അവര്‍ ചെയ്ത പല കാര്യങ്ങളിലും വെച്ച് ഏറ്റവും നല്ല കാര്യം...
അതാണ്‌ പയ്യന്നൂരില്‍ കണ്ടത്...
അതൊരു പാഠമാണ്...പലര്‍ക്കും....
സാംസ്കാരിക (?) നായകന്മാര്‍ ,ചിന്തകന്മാര്‍ (?) എന്നെ നിലകളില്‍ അറിയപ്പെടുന്ന, എന്നാല്‍ ഈ രണ്ടു കാര്യവും ഏഴയലത്ത് ചെല്ലാത്ത ഇവര്‍ക്കുള്ള ഒരു ഡോസാണ് ഇത്...
ഇവരെന്താ കരുതിയത്‌...??
ഉള്ളത് പറയാല്ലോ, ലീഗിന്റെ യുവ വിഭാഗം ചെയ്യേണ്ടതായിരുന്നു..
പിന്നെ പ്രതിപക്ഷത്തായാലും ഭരണ പക്ഷത്തായാലും ഉറങ്ങുന്ന, അല്ലെങ്കില്‍ ഉറക്കപ്പെടുന്ന ഇവര്‍ക്ക് ചെയ്യാന്‍ പറ്റാത്തത് നമ്മുടെ യുവ സഖാക്കള്‍ ചെയ്തു എന്ന് മാത്രം...
ന്യായീകരിക്കാന്‍ വന്നിരിക്കുന്നു...
എവിടെ പോയിരുന്നു ഈ സക്കറിയയുടെ നാവു, ഒരു നാല് വര്ഷം മുന്‍പ്...?
ഒരു വേശ്യയുടെ വാക്ക് കേട്ട് കുഞ്ഞാലിക്കുട്ടിയെ ജനമധ്യത്തില്‍ കറുത്ത തുണി കാണിക്കുമ്പോള്‍, ഈ സാംസ്കാരിക നായകന്മാര്‍ ജീവിചിരിപ്പില്ലായിരുന്നോ ...?
ബുദ്ധി ജീവികളുടെ നാവു വാടകയ്ക്ക് കൊടുത്തിരിക്കുകയായിരുന്നോ..?
പിന്നെ നമ്മുടെ കൊണ്ഗ്രെസ്സിന്റെ കാര്യം...
ഉണ്ണിത്താനെ ജനങ്ങള്‍ എല്ലാം കൂടി വളഞ്ഞു പിടിച്ചപ്പോള്‍ ഒന്നുംപ്രതികരിക്കാതിരുന്ന നിങ്ങള്‍, സക്കരിയ്യക്ക്‌ അടി കിട്ടിയപ്പോള്‍ , കിട്ടിയ ചാന്‍സില്‍ ഉണ്ണിത്താനെ ന്യായീകരിക്കുകയാണോ...?
അല്ല നിങ്ങള്‍ ഒരു അന്വേഷണ കമ്മീഷനെ വെച്ചിരുന്നല്ലോ...?
റിപ്പോര്‍ട്ട്‌ കിട്ടിയോ...?ഓ നിങ്ങള്ക്ക് അന്വേഷണത്തിന് മുന്‍പ് തന്നെ കാര്യങ്ങള്‍ അറിയുന്നത് കൊണ്ട്, പിന്നെ അത് പൂര്‍ത്തിയാക്കിയില്ല അല്ലെ...?
അതുമല്ലെങ്കില്‍ അന്വേഷണ റിപ്പോര്‍ട്ട്‌ പുറത്തു വന്നാല്‍ , ഉണ്ണിത്താന്‍ പുറത്തു വിടുമെന്ന് പറഞ്ഞ രഹസ്യങ്ങള്‍, ചീഞ്ഞു നാറിയ കഥകള്‍ നിങ്ങളെ ഭയപ്പെടുതുന്നുണ്ടോ...?
പിന്നെ നമ്മുടെ മാധ്യമങ്ങളുടെ കാര്യം...
അത് പറയേണ്ടല്ലോ...
പേരില്‍ ഒരു മുസ്ലിം ഉണ്ടെങ്കില്‍ അതിലെ തീവ്രതയും വര്‍ഗീയതയും ആ വിഷയങ്ങള്‍ ലൈവ് ആയി നിലനിര്‍ത്തുകയും ചെയുന്ന നമ്മുടെ ഇന്ത്യ വിഷന്റെ കുമാരന്‍ അടക്കമുള്ളവരുടെ നാവിന്റെ നീളവും വാര്‍ത്തയുടെ വ്യാപ്തിയും ഉണ്ണിത്താനെ പിടിച്ച അവസരത്തില്‍ കണ്ടില്ല...!!എന്നാല്‍ ഇപ്പോളോ...
എന്താണ് പുകില്...
ഉണ്ണിത്താനെ ന്യായീകരിക്കാനുള്ള വ്യഗ്രതയില്‍ ഏതു ലൊട്ടു ലൊടുക്കു പറയുന്ന വാര്‍ത്തയും ഉയര്‍ന്ന പിച്ചില്‍ പറയാനുള്ള നിങ്ങളുടെ ആവേശം...
ഹോ, ഇത് കാണുമ്പോള്‍ ഉണ്ണിത്താന്‍ വരെ കൊരിത്തരിക്കുന്നുണ്ടാവും ...
എന്തായാലും യുവ സഖാക്കള്‍ക്ക് വിപ്ലവാഭിവാധ്യങ്ങള്‍...
ഇനി എപ്പോഴാണാവോ നമ്മുടെ മാധ്യമ പ്രതിനിധികള്‍ക്കും ചില ഡോസുകള്‍ കിട്ടുക..എന്തായാലും കാത്തിരിക്കാം...
കിട്ടും.. കിട്ടാതിരിക്കില്ല...
കൂട്ടത്തില്‍ ഒരു കാര്യം സൂചിപ്പിക്കാതെ വയ്യ...
ഇന്നലത്തെ നമ്മുടെ പിണറായി സഖാവിന്റെ പ്രസംഗം...
സദസ്സറിഞ്ഞു പ്രസംഗിക്കണം പോലും!!...അല്ലെങ്കില്‍ ഇത് പോലെ കിട്ടും എന്ന്...
സത്യ ക്രിസ്ത്യാനികള്‍ കേള്‍ക്കേണ്ട സഖാവേ.....
മുന്‍പ് ഒരു പള്ളിയിലെ അച്ഛനെ നികൃഷ്ഠ ജീവി എന്ന് വിളിച്ചത്, സദസ്സിനെ അറിഞ്ഞു തന്നെയായിരുന്നോ...?
പാവം, നമ്മുടെ ക്രിസ്ത്യാനികള്‍, ക്ഷമയും സഹനവും ഉള്ളവര്‍ ആയതിനാലാവും, പിണറായി അടി കൊള്ളാതെ രക്ഷപ്പെട്ടത്...!!!

*******പ്രത്യേക ശ്രദ്ധയ്ക്ക്‌...******
നമ്മുടെ സക്കരിയ്യക്ക്‌ അടി കിട്ടിയത് ഉണ്ണിത്താനെ ന്യായീകരിച്ചത് കൊണ്ട് മാത്രമല്ല പോലും ...ജനങ്ങളുടെ ഹൃദയത്തില്‍ ഇന്നും ജീവിക്കുന്ന യുഗ പുരുഷന്മാരായ വിപ്ലവ നേതാക്കളെ ഉണ്ണിത്താനുമായി താരതമ്യം ചെയ്‌താല്‍...!!വളര്ത്തമ്മ സഹിക്കുമോ..?എന്നിട്ടല്ലേ പെറ്റമ്മ...??താരതമ്യം മരണപ്പെട്ടു പോയ സഖാക്കളുമായി ആയതു കൊണ്ട് അടി കൊണ്ട് രക്ഷപ്പെട്ടു...പിണറായി സഖാവോ മറ്റു ജീവിക്കുന്ന വല്ലവരുമായി ആയിരുന്നെങ്കില്‍....ഹോ..ഓര്‍ക്കുമ്പോള്‍ തന്നെ പേടിയാവുന്നു ...എന്തായാലും സക്കരിയ്യ ഭാഗ്യവാനാണ്...ഈ താരതമ്യത്തിന് ഇത് കൊണ്ട് ഒത്തല്ലോ...അതും കണ്ണൂരില്‍ വെച്ച്...!!!!!!

Thursday 7 January 2010

ഇതിന്റെ പേരോ മാധ്യമ ധര്‍മ്മം ...!!!??

മത സൌഹാര്‍ദ്ദത്തിന്റെ ഈറ്റില്ലമായ കേരളത്തില്‍ ,വര്‍ഗീയ വാദികള്‍ക്കും തീവ്ര വാദികള്‍ക്കും രാജ്യ ദ്രോഹികള്‍ക്കും
സാധിക്കാത്ത...

ആര്‍ എസ് എസ്സും എന്‍ ഡി എഫും ഐ എസ് എസ്സും വി എച് പിയും ശ്രമിച്ചിട്ടും സാധിക്കാത്ത...
മുത്തലിഖും അജ്മല്‍ കസബും തുടങ്ങി പലരും ശ്രമിച്ചിട്ടും സാധിക്കാത്ത..
ജനങ്ങളെ , അവന്റെ മതത്തിന്റെയും ജാതിയുടെയും രാഷ്ട്രീയത്തിന്റെയും പേരില്‍ പരസ്പരം സംശയത്തോടെ നോക്കുന്ന സ്ഥിതിയിലേക്ക് എത്തിച്ച
നമ്മുടെ കേരളത്തിന്റെ സ്വന്തം മാധ്യമ ധര്‍മ്മം ....
ഒന്നാമനും രണ്ടാമനും ആവാന്‍ വേണ്ടി പരസ്പരം പാര വെക്കുന്നതില്‍ തുടങ്ങി
മരണ സംഖ്യ കൂടുതല്‍ പറയാന്‍ വരെ വാശി പിടിക്കുന്ന
നമ്മുടെ സ്വന്തം മാധ്യമ ധര്‍മ്മം...
സ്വജന പക്ഷത്തിനു വേണ്ടി എന്ത് നെറികേടും
വിളിച്ചു പറയാനും എഴുതി പിടിപ്പിക്കാനും
ശ്രമിക്കുന്ന മുത്തശ്ശി മാധ്യമം മുതല്‍...

സ്വ-സമുദായത്തെ ഇല്ലാ കഥകളുടെ പേരിലെങ്കിലും നാറ്റിച്ചു പടച്ചവനെളുടെ സര്‍കുലേഷന്‍ കൂടണം എന്ന് വാശി പിടിക്കുന്നമാധ്യമങ്ങള്‍....
എവിടെയെങ്കിലും ഒരു കൊലപാതകം ഉണ്ടായാലോ, അപകടങ്ങള്‍ ഉണ്ടായാലോ അതില്‍ പെട്ടവന്റെ മതം നോക്കി ആ സംഭവത്തെ വിശകലനം ചെയ്യുന്ന മാധ്യമങ്ങള്‍...
എഴുതിയാല്‍ തീരില്ല ഇവരുടെ നെറികേടുകള്‍...
അതിനാല്‍ ആ സാഹസം ഇവിടെ നിരത്തുന്നു
എങ്കിലും ഇവരുടെ ചില സാമ്പിളുകള്‍...



ആരാണ് ശരി...?
ആരാണ് ഒന്നാമന്‍ ...?




പടച്ചവനെ...ഇവര്‍ എഴുതുന്നത്‌ ഇവര്‍ അറിയുന്നില്ലല്ലോ...




ഇവരുടെ 2009 december 19 ന്റെ മുഖ പ്രസംഗം കൂടി ചേര്‍ത്ത് വായിച്ചാല്‍ സംഗതി പൂര്‍ണ്ണം...വേശ്യയുടെ...



ചാത്തപ്പന് എന്ത് മഹ്ശറ...??!!(സോറി , മഹ്ശറ എന്നാല്‍ മുസ്ലിം വിഭാഗം വിശ്വസിക്കുന്ന മരണ ശേഷമുള്ള ഒരു ലോകം...)



മനോരമക്ക് മാത്രം കിട്ടിയത്...സ്രോതസ്സ് ചോദിക്കരുത്...

.




തല വാചകം ഒന്ന് ...ഉള്ളടക്കം മറ്റൊന്ന്..




ഈ സംവരണം ആര്‍ക്കു വേണ്ടി ...?

അച്ഛനും അമ്മയും സംവരണ ആനുകൂല്യത്തില്‍ ഡോക്ടര്‍മാരായിട്ടുള്ള ഒരാളെ എനിക്കറിയാം...
അവര്‍ ദളിത് സമുദായമാണ് പോലും...
ഇന്നും സംവരണത്തിന്റെ തലോടല്‍ അവര്‍ക്ക് ലഭിക്കുന്നു...
സ്വന്തം ക്ലാസ്സിലെ തന്നെക്കാള്‍ 20% മാര്‍ക്ക് അധികം ലഭിച്ച പാവപ്പെട്ട നായരുമായി ഉന്നത ബിരുദത്തിനു മത്സരിക്കുമ്പോള്‍...
ഇന്നും ആദ്യ പരിഗണന ജാതിയുടെയും മതത്തിന്റെയും പേരില്‍ ഏര്‍പ്പെടുത്തിയ സംവരണത്തിന്റെ അടിസ്ഥാനത്തില്‍ ഈ കുട്ടിക്കാണ്...!
മാസത്തില്‍ 15000 രൂപ വരുമാനമുള്ള ഒരു മുസ്ലിം കുടുംബത്തിലെ കുട്ടിയും
അതെ സമുദായത്തിലെ രണ്ടും മൂന്നും ലക്ഷം മാസ വരുമാനമുള്ള കുട്ടിയും മത്സരിക്കുന്നത് ഒരേ സംവരണ സീറ്റിനു വേണ്ടി...!!
ഈ സംവരണം ആര്‍ക്കു വേണ്ടിയാണ്...?
ഈ സംവരണം കൊണ്ട് ആര് നേടി നേട്ടങ്ങള്‍...?
സാമൂഹികപരമായ കാരണങ്ങള്‍ കൊണ്ട് സമൂഹത്തിന്റെ പിന്നോക്കാവസ്ഥയിലേക്ക് മാറ്റി എറിയപ്പെട്ടവര്‍ എന്ന പേരും പറഞ്ഞു എന്നും സാമുദായികാപരമായ സംവരമാണോ നമുക്ക് വേണ്ടത്...?
സമൂഹത്തിലെ പല ഉന്നത സ്ഥാനത്തിരിക്കുന്നവരുടെ മക്കളും ഇതേ സംവരണം അല്ലെ അനുഭവിക്കുന്നത്...?
അന്നും ഇന്നും പാവപ്പെട്ടവാരായി ജീവിക്കുന്ന എത്ര പേരുണ്ട്..?
എന്തേ അവരുടെ സംവരണത്തിനു വേണ്ടി ആരും ശബ്ദം ഉയര്‍ത്തുന്നില്ല?
പാവപ്പെട്ടവന്‍ എന്നും അങ്ങിനെ കഴിഞ്ഞാല്‍ മതിയോ..?
ഇന്നും മതം ആയിരിക്കണോ നമ്മുടെ സംവരണ മാനദണ്ഡം?
അറേബ്യന്‍ മനലാരിന്യത്തില്‍ ജോലി ചെയ്യുന്ന , അറബിയും മലയാളിയും അടങ്ങുന്ന മുതലാളി വര്‍ഗ്ഗത്തിന് അടിമപ്പണി ചെയ്യുന്നവന്റെ മക്കളും...
പാവപ്പെട്ടവന്റെ ഊര്‍ജ്ജത്തെ പിഴിഞ്ഞെടുത്ത് കോടികള്‍ സമ്പാദിക്കുന്ന മുതലാളിയുടെ മക്കളും ഒരേ സമുദായത്തില്‍ ആയതു കൊണ്ട്
സംവരണം എന്ന അപ്പ കഷ്ണത്തിന് വേണ്ടി മത്സരിക്കണം എന്നാണോ ഇന്നും നമ്മുടെ സമ്പ്രദായം ആവശ്യപ്പെടുന്നത്...?
നാട്ടില്‍ വിദേശത്തെ കഷ്ട്ടപ്പാടുകലെക്കാള്‍ അധികം കഷ്ട്ടപ്പടോടെ ജീവിക്കുന്ന നാടന്‍ കൃഷിക്കാരന്റെ മക്കളും വിദേശത്ത് സൂപ്പര്‍ മാര്കററുകളും ഷോപ്പിംഗ്‌ മാളുകളും ഉള്ളവന്റെ മക്കളും എങ്ങിനെയാണ് സംവരണത്തിന്റെ കാര്യത്തില്‍ ഒരേ സമുദായമോ ജാതിയോ ആയി എന്നത് കൊണ്ട് ഒന്നാകുന്നത്...?
മാസത്തില്‍ ഏഴായിരം രൂപ ശമ്പളം വാങ്ങുന്ന ഒരു പ്രൈമറി അധ്യാപകന്റെ മകന് സംവരണം ഇല്ലാതാകുന്നതും , ലക്ഷക്കണക്കിന്‌ രൂപ മാസ വരുമാനം ഉള്ള മുതലാളിയുടെ മകന് സംവരണം ഉണ്ടാകുന്നത് ഏത് നീതിയുടെ ത്രാസില്‍ വെച്ച് നോക്കിയാലാണ് ശരിയാവുക..?
മതമല്ല മതമല്ല മതമല്ല പ്രശ്നം...
എരിയുന്ന പൊരിയുന്ന വയറാണ് പ്രശ്നം...
ഫാറൂഖിലെ ഡിഗ്രി ജീവിതത്തിനിടയില്‍ കേട്ട് പഴകിയ വിപ്ലവ പ്രസ്ഥാനക്കാരുടെ മുദ്രാവാക്യം...
ഇതെനിക്ക് മാത്രമായിരിക്കില്ല പഴകിയത്...
തല മുതിര്‍ന്ന സഖാവ് അച്ചുമാമന്‍ തുടങ്ങി 370 കോടി അഴിമതി നടത്തിയതിനു കോടതിയിലെ പ്രതിക്കൂട്ടില്‍ ഇളിഭ്യനായി നിന്ന് ജാമ്യം എടുക്കേണ്ടി വന്ന സഖാവിനും ഇത് പഴകിയ മുദ്രാവാക്യമായിരിക്കും ...
നിങ്ങള്‍ അത് മറന്നിരിക്കാം...
പക്ഷെ അന്നും ഇന്നും നിങ്ങള്ക്ക് വേണ്ടി മുദ്രാ വാക്യം വിളിക്കാനും ,കൊല്ലാനും ചാവാനും മടിയില്ലാത്ത ...
പാവപ്പെട്ട സഖാക്കളേ എങ്കിലും നിങ്ങള്‍ മറക്കരുത്...?
പെരുന്നയിലെ മനയില്‍ നിന്ന് സമദൂരത്തിന്റെ അകലം കുറയുമെന്ന് കരുതി , പഞ്ചായത്ത് തെരഞ്ഞെടുപ്പില്‍ കിട്ടുന്ന നക്കാപ്പിച്ച വോട്ടിനു വേണ്ടി നായന്മാരിലെ ലക്ഷക്കണക്കിന്‌ ആസ്തിയുള്ള കരയോഗം കമ്മിറ്റിയിലെ 'പാവപ്പെട്ടവന്റെ' പട്ടിണി മാറ്റാന്‍ ‍ പുറപ്പെടും മുന്‍പ് സഖാക്കളും ചെന്നിത്തല അടങ്ങുന്ന കൊണ്ഗ്രെസ്സുകാരൊടും...
നിങ്ങളിലെ ഇന്നും പാവപ്പെട്ടവര്‍ ആയിട്ടുള്ള ജാതിയോ മതമോ ഇല്ലാത്തവരെ കുറിച്ച് നിങ്ങള്‍ ആലോചിച്ചോ..?
പാവങ്ങളെ പകലന്തിയോളം പണിയെടുപ്പിച്ച്, അതിനുള്ള കൂലി കൊടുക്കാതെ
അതിലൂടെ കിട്ടിയ ലാഭം കൊണ്ട് തിന്നുകയും കുടിക്കുകയും ഭോഗിക്കുകയും ചെയ്തിരുന്ന മുതലാളി വര്‍ഗത്തെ കൊള്ളയടിക്കാനും,
അവരെ ജനകീയ വിചാരണ നടത്തി പാവപ്പെട്ടവരുടെ അവകാശങ്ങള്‍ക്ക് വേണ്ടി നിലകൊള്ളുകയും ചെയ്തതിലൂടെയാണ് നിങ്ങള്‍ പാര്‍ടി വളര്‍ത്തിയത്‌ എന്നാ കാര്യം മറക്കരുത് സഖാക്കളേ.....
എവിടെ ഓര്‍മ്മിക്കാന്‍ അല്ലെ...?
ഇന്ന് കേരളത്തില്‍ തന്നെ ഏറ്റവും ആസ്തിയുള്ളവര്‍ ..
ഭൂ സ്വത്തിന്റെയും റിയല്‍ എസ്റ്റിന്റെയും മൊത്തം കുത്തക വരെ കൈവശമുള്ളവര്‍ പാര്‍ട്ടിയിലെ ഉന്നതരും പാര്‍ടി തന്നെയും ആവുമ്പോള്‍,...
പഴയതൊക്കെ എവിടെ ഓര്‍മ്മിക്കാന്‍ ..
ലീഗിന്റെ മുതലാളി പ്രേമവും പറഞ്ഞു പാര്‍ടി വിട്ട എല്ലാവരെയും, പാര്‍ട്ടിയില്‍ കയറ്റി ഇരുത്തിയ സഖാക്കള്‍,...
അതില്‍ പ്രധാനി ആയിടുള്ള ഹംസക്ക തുടങ്ങി പാലോളിയിലെ പൂര്‍ണ്ണ ചന്ദ്രന്‍ വരെ , ഇത്രയും കാലം മുസ്ലിം സമുദായത്തിന്, സമുദായത്തിന്റെ അടിസ്ഥാനത്തില്‍ നടത്തിയ സംവരണം കൊണ്ട് ആര്‍ക്കു നേട്ടം ഉണ്ടായി എന്ന്ആലോചിച്ചിട്ടുണ്ടോ..?
ചോദിയ്ക്കാന്‍ പറ്റില്ലല്ലോ ..കാരണം കിട്ടൂന്നതില് ഒരു പങ്കു, അത് ഇടതായാലും വലതായാലും കൃത്യമായി വാങ്ങിച്ചു കൂട്ടുന്നുണ്ടല്ലോ ഇവരില്‍ നിന്നും...
പിന്നെ സാമ്പത്തിക സംവരണം എന്ന് കേള്‍ക്കുമ്പോള്‍ ഉറഞ്ഞു തുള്ളുന്നവര്‍ വലതു പക്ഷ നേതാക്കളാണ്...
എങ്ങിനെ തുളളാതിരിക്കും ...
ഇടതു പക്ഷം തൊഴിലാളി വര്‍ഗത്തെയാണ് കൊതിപ്പിച്ചതെങ്കില്‍ വലതു പക്ഷം ഓരോ സമുദായത്തിലെയും പിന്നോക്ക ജാതിയിലെയും പാവപ്പെട്ടവനെയാണ് കൊതിപ്പിച്ചത്...
സാമുദായിക അടിസ്ഥാനത്തില്‍ സംവരണം ഉണ്ടായാല്‍ മുസ്ലിം സമുദായത്തിലെയും ക്രിസ്ത്യന്‍ സമുദായത്തിലെയും പാവപ്പെട്ടവനാണ് അതിന്റെ മെച്ചം എന്ന് പറഞ്ഞു ഇത്രയും കാലം അവരുടെ പിന്‍ബലത്തില്‍ അധികാരത്തില്‍ ഇരുന്ന മാപ്പിള മുതലാളി മാര്‍ക്കും ക്രിസ്തീയ മേലാലന്മാര്‍ക്കും ചെന്നിത്തല തുടങ്ങി നേതാക്കള്‍ക്കും എത്ര പാവപ്പെട്ടവന് അത് കൊണ്ട് നേട്ടം ഉണ്ടായി എന്ന് കണക്കിന്റെ അടിസ്ഥാനത്തില്‍ പറയാന്‍ പറ്റും...?
സംവരണത്തിന്റെ പേരില്‍ സ്കൂളും കോളേജും തുടങ്ങി കിട്ടുന്നതെല്ലാം വാങ്ങിച്ചു കൂട്ടുന്ന തിരക്കില്‍ ഇന്നത്തെ ലീഗ് നേതാക്കള്‍ എപ്പോഴെങ്കിലും, ഇതിന്റെ പേരില്‍ എത്ര പാവപ്പെട്ട സമുദായ അംഗത്തിന് മെച്ചം കിട്ടി എന്ന് അന്വേഷിക്കാന്‍ തയ്യാറായിട്ടുണ്ടോ..?
പിന്നോക്ക സമുദായത്തിന്റെ പേരും പറഞ്ഞു സംവരണം നേടിയെടുതിട്ടു അതില്‍ നിന്നും എം ഇ എസ്സിന്റെ ഡോക്ടര്‍ മുതല്‍ പലരും വാരി കൂട്ടിയ സ്വത്തുക്കളുടെ അളവ് വിവരമെങ്കിലും ഒന്ന് വെളിപ്പെടുത്തുമോ.....??
ഇങ്ങിനെ സംവരണത്തിന്റെ പേരില്‍ വാങ്ങിച്ചു കൂട്ടിയ സ്ഥാപനങ്ങളില്‍ എത്ര സ്വന്തം സമുദായത്തിലെ പാവപ്പെട്ട കുട്ടികള്‍ക്ക് സൗജന്യമായി പഠനം നടത്താന്‍ സഹായിക്കുന്നുണ്ട് എന്ന് ഒരിക്കല്‍ ഈ വിനീതന്‍ ഈ ഡോക്ടറോട് ചോദിച്ചപ്പോള്‍ അദ്ദേഹം
പറഞ്ഞ മറുപടി, കുറേ സീറ്റ്‌ സര്‍കാരിനും കുറേ സീറ്റ്‌ മെരിട്ടിലും കൊടുത്തു കഴിഞ്ഞാല്‍ പിന്നെയുള്ള ചില്ലറ സീറ്റില്‍ നിന്നെങ്കിലും ഞങ്ങള്‍ക്ക് വരുമാനം ഉണ്ടാക്കണ്ടേ എന്നാണ്...
അത് കൊണ്ട് നമുക്ക് വേണ്ടത് മതത്തിന്റെ പേരിലെ സംവരണം അല്ല...
ജാതിയുടെ പേരിലെ സംവരണം അല്ല...
ഒരാള്‍ ഏതു മതക്കാരനും ആയിക്കൊള്ളട്ടെ...
ഏതു ജാതിയും ആയികൊള്ളട്ടെ...
ദളിതനോ മുസ്ലിമോ ക്രിസ്ത്യാനിയോ നായരോ ഈഴവനോ ആരുമായി കൊള്ളട്ടെ...
എന്നും പണക്കാരന്‍ കൂടുതല്‍ പണക്കാരനായി മാറാതിരിക്കാനും ...
പാവപ്പെട്ടവന്‍ കൂടുതല്‍ പാവപ്പെട്ടവന്‍ ആയി മാറാതിരിക്കാനും
ലോകം ഇത്രയും വികസിച്ചിട്ടും സംവരണം ഉണ്ടായേ തീരൂ എന്ന് വാശിയുണ്ടെങ്കില്‍ ..
അതിലൂടെ മാത്രമേ രാഷ്ട്രീയക്കാര്‍ക്ക് വോട്ടും അല്ലാത്തവര്‍ക്ക് സ്ഥാനവും കിട്ടൂ എന്നുണ്ടെങ്കില്‍
സാമ്പതികാടിസ്ഥനത്തിലെ സംവരണമാണ് നമുക്ക് വേണ്ടത് ...
ഏതു മുന്നണി വന്നാലും..
ഏതു സര്‍ക്കാര്‍ വന്നാലും ..
ഏതു സമുദായത്തിന് സംവരണം നല്‍കിയാലും...
വെള്ളാപ്പള്ളിയും നാരായണ പണിക്കാരും ശൈഖുമാരും തങ്ങന്മാരും മൌലവിമാരും പള്ളിയിലെ അച്ചന്മാരും പാര്‍ട്ടി സെക്രെടരിയും സോഷ്യലിസ്ട്ടു നേതാക്കളും പട്ടിണിയില്ലാതെ കഴിയും...
അപ്പോഴും കോരന് കഞ്ഞി കുമ്പിളില്‍ തന്നെ...
അത് മാറണം...
ഒരിക്കല്‍ സംവരണത്തിലൂടെ ജോലി നേടിയവനോ അവന്റെ ഫാമിലിക്കോ പിന്നെ സംവരണത്തിന്റെ ആനുകൂല്യം പാടില്ല എന്നുള്ളതായിരിക്കണം
നാം വരുത്തേണ്ട മറ്റൊരു പ്രധാന മാറ്റങ്ങളില്‍ ഒന്ന്...
എനിക്കറിയാം..
എന്റെ ഈ വാക്കുകള്‍ , അത് അധികാരത്തിന്റെ രുചി അറിഞ്ഞവനും സംവരണത്തിന്റെ രുചി അറിഞ്ഞവനും ദഹിക്കില്ലെന്നു...
എനിക്കറിയാം...
എന്റെ ഈ വാക്കുക്കള്‍, കടലില്‍ കായം കലക്കിയ പോലെ ഒന്നുമല്ലെന്ന്...
എങ്കിലും...
ആരുടെയെങ്കിലും മനസ്സില്‍ ഒരു മാറ്റം വരുത്താന്‍ ‍ ഇതിലൂടെ സാധിച്ചെങ്കില്‍ ....എന്ന പ്രത്യാശയോടെ...